莊偉忠：君子愛財 取之有道

一田百貨行政總裁莊偉忠加入公司短短5年，將店舖「一間變六間」，你可能會覺得，他特別有生意頭腦，但他笑言，「唔知咩叫賺到盡」，只常記着爸媽教他的生意經：

一定要以人為本，君子愛財，取之有道。

莊偉忠認為，百貨「打開門做生意」，所以來者不拒，但公司始終開在香港，便應以本地客為先，不會以做內地客生意為主，而且宣傳品一定要用繁體字。

做內地生意有時好容易，但唔應該一開始時，眼中凈係有內地朋友。

他相信，做生意要看長線，

贏一舖，只爭朝夕唔過癮嘅，長遠贏至係贏。

今年上半年，零售業總銷貨價值出現負增長，有人形容是零售業寒冬，但一田上半年營業額反而升14.5%。內地客生意現時（8月）佔一田整體生意額的百分之16%至17%。莊偉忠形容，這是比較健康的百分比。

與供應商保持好關係

他小時候，爸媽做小販賣洋貨，與左鄰右里的關係非常好。莊偉忠在父母身上學會做生意要「老實」和「講信譽」。他畢業後做過銀行、開過財政公司、又曾任馬會市場推廣，最後繞了一個圈，又做回爸媽的老本行做零售生意，

當然個規模可能大一萬倍，但一理通百理明。

2011年日本311大地震後，引發核輻射洩漏危機，一田單月蔬果生意跌超過73%，有200多種日本貨要下架。幸好他公司與其他國家的供應商關係良好，東南亞、歐洲等貨品排着隊讓他們選，

一去到呢啲大日子，就考驗你平日點對人。

解決了自身危機後，他親自寫信給約1,000個日本合作夥伴，又帶傳媒飛往日本採訪他們，雙方仍保持良好關係。他相信，「互利雙贏唔應該得棚牙」。

▲ 相片來源：iMoney 智富雜誌

（節錄）

全文刊於《iMoney智富雜誌》第412期（收費閲讀）;標題經TOPick 編輯修改，原題為：「一田CEO莊偉忠：君子愛財 取之有道」

iMoney智富雜誌facebook